தமிழ் புத்தாண்டு சிறப்பு பதிவு- கிசுகிசு கார்னர் 7

அன்பர்கள் அனைவருக்கும் வணக்கம்.

தமிழ் காமிக்ஸ் தளத்தில் இன்றைய தினம் ஒரு மறக்க முடியாத தினமாகும். ஆமாம், தமிழ் புத்தாண்டு மற்றும் வேண்டப்பட்ட விரோதி கிங் விஸ்வாவின் பிறந்த தினமாகிய இன்று மொத்தம் பத்து பதிவுகள் இடப்பட்டன. அதன் விவரங்கள் இதோ: @ 10.30 PM

1. ஒலக காமிக்ஸ் ரசிகர் - தலை சிறந்த காமிக்ஸ்கள் -தமிழ் காமிக்ஸ் உலகில் ராஜாக்களும், மன்னர்களும்- 20 Comments

2. புலா சுலாகி-தமிழர் புத்தாண்டு ஸ்பெஷல் - ராஜாளி ராஜாப்பயல் - இந்திரஜால் காமிக்ஸ் - புஸ் சாயர் – 11 comments

3. முத்து விசிறி -காமிக்ஸ் பற்றிய ஒரு அலசல்- ராசா... இன்னைக்கு உனக்கு பிறந்தநாள்-16 comments.

4. காமிக்ஸ் பிரியன்-க.கொ.க.கூ-தங்க ராஜா – 13 comments

5. காமிக்ஸ் காதலன்-பொக்கிஷம்-அரசியல் சூப்பர் கிங்ஸ் – 7 comments.

6. வேதா-ஸ்கிப் காமிக்ஸ்-Tatty Mane – King of the Jungle – 7 Comments.

7. ஸ்பைடர் -மீண்டும் ஸ்பைடர்-கிங் ஆப் குரூக்ஸ் – 3 comments.

8. பயங்கரவாதி டாக்டர் செவன்-அ.கொ.தீ.க-கோடை மலர்-9 comments.

9. லக்கி லுக்-தமிழ் காமிக்ஸ் ரசிகர்கள்-சிறப்பு பதிவு:மேற்கில் ஒரு மாமன்னர்- 18 comments

10. ஐய்யம்பாளயத்தார்-காமிக்ஸ் பூக்கள்-பூந்தளிர் முதல் இதழ் – 4 comments.  

=======================================================================================================

நம்முடைய வலையுலக ரிபோர்ட்டர் கிசுகிசு கோபால் சமீப காலங்களில் தமிழ் காமிக்ஸ் வலையுலகில் நடந்து வரும் சுவையான தகவல்களை நம்முடைய வலைப் பூவில் பகிர்ந்து கொள்ள சம்மதித்து அவருடைய கைங்கர்யமான கிசுகிசு கார்னர்-1 , கிசுகிசு கார்னர்-2 , கிசுகிசு கார்னர்-3, கிசுகிசு கார்னர்-4, கிசுகிசு கார்னர்-5  மற்றும் கிசுகிசு கார்னர்-6.வாசகர்களிடையே பெற்ற வரவேற்பினால் இதோ அதன் அடுத்த கட்டம்: கிசு கிசு கார்னர் 7.

• சென்ற வாரத்தில் ஒரு மாலை நேரத்தில் தமிழ் காமிக்ஸின் முடி சூடிய மன்னர் ஒருவர் கடற்கரையோரம் "உய்யலாலா" என்று ஜாலியாக இருந்தாராம், அதனை சிறப்பு நிருபர் மொட்டுக்கடிச்சான் என்பவர் சாட்சிகளுடன் அப்துல் கலாமின் காதலரிடம் நிரூபிக்க, அவரும் அதனை அவரின் தளத்தில் கமெண்ட்டாக இட்டுவிட, அனைவருக்கும் அந்த ஊரறிந்த ரகசியம் தெரிந்து விட்டதாம். இனிமேலாவது அந்த சம்பந்தப்பட்ட பதிவர் ஜாக்கிரதையாக இருப்பாரா?
•  
• மிதவாதி நோயாளி சிக்ஸ் என்ற பதிவர் சமீபத்தில் இன்னுமொரு பதிவரை புத்தக செட் ஒன்றை வாங்க விடாமல் தடுத்தாராம். அதாவது ராணி காமிக்ஸ் முதல் நூற்றியிருவது புத்தகங்கள் அட்டகாசமான கண்டிஷனில் ருபாய் ஆறாயிரம் விலையில் வாங்க இருந்தால் நண்பர் ஒருவர். ஆனால், அந்த தகவலை கேள்விப்பட்ட மிதவாதி ராணி காமிக்ஸ் புத்தகங்களின் அதிகபட்ச மார்கெட் விலை ருபாய் ஐந்து என்பதை விளக்கி சொல்ல, உண்மையை அறிந்த அந்த கொழந்தை பதிவர் அந்த ராணி காமிக்ஸ் சேட்டை வாங்கவில்லையாம். இதனால் கணினி துறையில் COBOL படித்த நபர் ஒருவருக்கு பெருத்த நஷ்டமாம்.
•  
• நம்முடனே பல பதிவுகளின் மூலம் தம்முடைய கருத்துக்களை அளித்த தென்னம்பாளயத்தார் அவர்கள் திடீரென்று அதிரடியாக அரசியலில் குதித்துள்ளார். கோட்டையை நோக்கி சென்றுக் கொண்டு இருந்த அவரை அண்டவெளி ரசிகர் ஒருவர் பார்த்து விட்டு சிலபல புகைப்படங்களை ஆதாரமாக வேறு எடுத்துவிட, வேறு வழியில்லாத தென்னம்பாளயத்தார் தான் கோட்டையை நோக்கி முன்னேறுவதை ஒப்புக் கொண்டு தன்னுடய அரசியல் பிரவேசத்தினைஉறுதி செய்தார். அதனைப் பற்றிய ஒரு முழுநீள பதிவினை வேறவதாவது தளத்தில் இந்த வாரம் படியுங்கள்.

இந்த கிசு கிசுக்களில் வரும் ஆட்கள் யார் யார் என்பதை சரியாக பின்னுட்டங்களில் கூறும் நபருக்கு புஷ்பவதி பூங்காவனத்திடம் இருந்து ஒரு பெர்சனல் மின் அஞ்சல் வரும்.

கிசுகிசு கோபால்.
நெற்றிக்கண் திறப்பினும் குற்றம், குற்றமே.

--
சிறப்பான கிசு கிசு'க்களுக்கு நன்றி கோபால்.

பூங்காவனம்,
எப்போதும் பத்தினி.

காமிக்ஸ் குற்றம் - நடந்தது என்ன? பதிவு 1

அன்பர்கள் அனைவருக்கும் வணக்கம்.

சமீப நாட்களில் சென்னை மற்றும் சுற்றுபுரங்களில் எங்குமே ஒரு தமிழ் காமிக்ஸ் கூட வாங்கமுடிவதில்லை என்பது பலருக்கும் தெரியும். குறிப்பாக பெரும் வேட்டைக்காரர்கள் கூட ஓரிரு புத்தகங்களை கூட வாங்க முடிவதில்லை. ஆனால் சென்னையிலும் அதன் சுற்றுபுரங்களிலும் காமிக்ஸ்கள் கண்டிப்பாக கிடைக்கின்றன. அப்படி கிடைக்கும் காமிக்ஸ் புத்தகங்கள் எங்கு செல்கின்றன? அவற்றை வாங்குவது யார்? யாருக்கும் தெரியாமல் பதுக்கி வைப்பது யார்? என்று எழும் பல கேள்விகளுக்கு விடை அளிக்கவே இந்த காமிக்ஸ் குற்றம் - நடந்தது என்ன? பதிவு 1.

இன்ஸ்பெக்டர் இன்பராஜ் (பல குற்றங்களை அரிக்கேன் / லாந்தர் விளக்குகளை கொண்டு வெளிச்சத்துக்கு கொண்டு வந்தவர்) அவர்களிடம் இந்த காமிக்ஸ் பதுக்கலை கண்டுபிடிக்குமாறு ஒரு அசைன்மென்ட் கொடுத்து இருந்தோம். அதன்படியே அவரும் மாறுவேடங்களில் எல்லாம் சென்று காமிக்ஸ் திருத்தலங்களில் எல்லாம் சென்று (அதாங்க, காமிக்ஸ் விற்கும் கடைகள்) பலநாட்கள் விசாரித்து ஒருவழியாக உண்மையை கண்டுபிடித்தார்.

 

வெளிப்பார்வைக்கு சாதரணமான ஒரு ட்ராவல் பேக் தான் இது. நீங்களே பாருங்களேன் - சரிதானே?

அந்த ட்ராவல் பேக்கை திறந்துபார்த்தால்கூட உள்ளே சாதரணமான துணிமணிகள் தான் தெரியும். பாருங்கள்.

டி-ஷர்ட்டுகள், பனியன்கள், என்று ஒரு சாதரணமான ட்ராவல் பேக்கில் இருக்கும் விஷயம் தானே?

ஆனால் அந்த பேக்கில் மேலோட்டமாக இருக்கும் துணிகளை எடுத்துவிட்டால்....என்ன கொடுமை சார் இது?

பல நூறு ராணி காமிக்ஸ்களும், பூந்தளிர் இதழ்களும் , பார்வதி சித்திரக்கதைபுத்தகங்கள் முழு செட்டும்

என்ன அநியாயம் சார் இது? வேறு ஊரை சேர்ந்த யாரோ ஒருவர் ஒவ்வொரு மாதமும் சென்னைக்கு வந்து சென்னையில் கிடைக்கும் பல நூறு அரிய காமிக்ஸ் புத்தகங்களை கொள்ளையடித்து, அதனை பதுக்கி செல்கின்றனர். ஆனால் சென்னையில் இருக்கும் பல காமிக்ஸ் ரசிகர்கள் தமிழ் காமிக்ஸ் கிடைக்கவில்லை, தமிழ் காமிக்ஸ் கிடைக்கவில்லை என்று அவதிப்படுகிறார்கள். இந்த கொடுமைகளுக்கு வழியே இல்லையா?

புத்தகங்களை பதுக்கும் அந்த நபர் யார் என்பதை நேரிடையாக சொல்ல இயலாவிட்டாலும் கூட அவரை பற்றிய சிறிய தகவல் ஒன்றினை அளிக்கிறேன், முடிந்தால் கண்டுபிடித்து  கொள்ளவும். அந்த காமிக்ஸ் பதுக்கல் பேர்வழி கோவில் மாநகரை சேர்ந்தவர். சென்னைக்கு மாதம் ஒரு முறையாவது வருபவர்.

அன்பர்களின் வேண்டுகோளுக்கிணங்க வெகு விரைவில் காமிக்ஸ் கிசுகிசுவுடன் திரும்பி வருகிறேன்.

கிசுகிசு கார்னர்-6

அன்பர்கள் அனைவருக்கும் வணக்கம்.

நம்முடைய வலையுலக ரிபோர்ட்டர் கிசுகிசு கோபால் சமீப காலங்களில் தமிழ் காமிக்ஸ் வலையுலகில் நடந்து வரும் சுவையான தகவல்களை நம்முடைய வலைப் பூவில் பகிர்ந்து கொள்ள சம்மதித்து அவருடைய கைங்கர்யமான கிசுகிசு கார்னர்-1 , கிசுகிசு கார்னர்-2 , கிசுகிசு கார்னர்-3, கிசுகிசு கார்னர்-4 மற்றும் கிசுகிசு கார்னர்-5 வாசகர்களிடையே பெற்ற வரவேற்பினால் இதோ அதன் அடுத்த கட்டம்: கிசுகிசு கார்னர்-6.

• கிசுகிசு-1 – வினையான காமிக்ஸ் வேட்டை:

தமிழகம் முழுவதும் பல சூறாவளி சுற்றுப் பயணங்கள் மேற்கொண்டு தீவிரமாக காமிக்ஸ் வேட்டையாடி வரும் யாரோ ஒரு காமிக்ஸ் வலைப்பதிவர் சமீபத்தில் வேறு யாரோ இன்னொரு காமிக்ஸ் வலைப்பதிவர் வாழ்ந்து வரும் ஏதோ ஒரு ஊருக்கு சென்றாராம்.

அங்கு இருவருமாக சேர்ந்து காமிக்ஸ் வேட்டைக்கு கிளம்பினார்களாம். ஆனால் அந்த யாரோ ஒரு காமிக்ஸ் வலைப்பதிவர் அந்த ஏதோ ஒரு ஊருக்கு புதியவர் என்பதால் அந்த வேறு யாரோ இன்னொரு காமிக்ஸ் வலைப்பதிவர் அவரை ஏமாற்றி காமிக்ஸ் வாசனையே துளியும் இல்லாத பல மொக்கை கடைகளுக்கு அழைத்து சென்று இங்கெல்லாம் இவ்வளவுதான் என்றெல்லாம் கூறினாராம்.

அந்த யாரோ ஒரு காமிக்ஸ் வலைப்பதிவரும் நொந்து நூடுல்ஸாகி மனதை தேற்றியவாரே அந்த ஏதோ ஒரு ஊரிலிருந்து திரும்பினாராம். ஆனால் அந்த யாரோ ஒரு காமிக்ஸ் வலைப்பதிவர் அந்த ஏதோ ஒரு ஊரிலிருந்து திரும்பிய மறுநாளே அந்த வேறு யாரோ இன்னொரு காமிக்ஸ் வலைப்பதிவர் அந்த ஏதோ ஒரு ஊரிலிருந்த வேறு சில பல கடைகளுக்கு சென்று கிடைத்தற்கரிய பல பல காமிக்ஸ் பொக்கிஷங்களை வேட்டையாடியுள்ளாராம்.

இதையறிந்த அந்த யாரோ ஒரு காமிக்ஸ் வலைப்பதிவர் இது நிச்சயம் அந்த வேறு யாரோ இன்னொரு காமிக்ஸ் வலைப்பதிவரின் திட்டமிட்ட சதிவேலை என்று புலம்பி வருகிறாராம். இதனால் இவர்களுக்கிடையே நிலவி வந்த பலத்த நட்பு முறிந்துள்ளதாம்.

பாவம் அந்த யாரோ ஒரு காமிக்ஸ் வலைப்பதிவர்.

• கிசுகிசு-2 - அசல் திரைப்பட தாமத விவரம்:

சமீபத்தில் திருமண பந்தத்தில் மூழ்கி இல்லற வாழ்வை இனிதே அனுபவித்து வரும் தென்னம்பாளயத்தார் இந்த பொங்கலை தல பொங்கலாக கொண்டாட இருப்பது தெரிந்த அல்டிமேட் ஸ்டார் அஜித் தனது நன்றிகளை தெரிவித்து கொண்டார்.

இது தெரிந்த இளைய தளபதி மருத்துவர் விஜய் உடனடியாக தென்னம்பாளயத்தாரை தொடர்பு கொண்டு சென்ற முறை தீபாவளியைதான் தல தீபாவளியாக கொண்டாடினீர்கள், இந்த முறை பொங்கலையாவது போக்கிரி பொங்கலாக கொண்டாடுமாறு மன்றாடி கேட்டுக் கொண்டார்.

ஆனால் அரசியல் கருத்துக்களை அஞ்சாமல் அள்ளி வீசும் தென்னம்பாளயத்தார் இரண்டு பேருக்கும் ஆப்பு வைக்கும் வகையில் அது தல பொங்கல் இல்லை தலைப் பொங்கல் என்று கூறிவிட்டாராம்.

இதனால் மனம் நொந்த அல்டிமேட் ஸ்டார் அஜித் தன்னுடைய அசல் படத்தை பொங்கலுக்கு ரிலீஸ் செய்யாமல் தள்ளிப் போட்டு விட்டார். இப்படியாக எண்பது வருட தமிழ் சினிமா வரலாற்றில் இரண்டாம் முறையாக தனி ஒரு மனிதரின் கொண்டாட்டங்கள் ஒரு படத்தின் ரிலீஸையே தள்ளிப் போட்ட சம்பவம்  நடைபெற்றுள்ளது.

• கிசுகிசு-3 - விடுமுறை தின சிறப்பு கிசுகிசு:

நாளை குடியரசு தினம் அரசு விடுமுறை என்பதால் தென்னம்பாளையத்தாருக்கு ஃபோன் செய்பவர்கள் உஷாராக இருக்கும் படி கேட்டுக் கொள்ளப் படுகின்றனர். சமூக நலன் கருதி இந்த கிசுகிசு வெளியிடப் படுகிறது.

• கிசுகிசு-4 – வரும் நாட்களில் சில முக்கிய நிகழ்வுகள்:

“ஏப்ரல் மேயிலே பசுமையே இல்லே” என வாடிக் கிடக்கும் தமிழ் காமிக்ஸ் ரசிகர்களுக்கு விருந்தாக ஏப்ரல் மாதத்தில் முப்பெரும் காமிக்ஸ் விழா நடைபெறப் போவதாக தகவல். இது உலகத் தமிழ் மாநாட்டை விட சிறப்பாக நடைபெறும் என்று பேச்சு அடிபடுகிறது.

• கிசுகிசு-5 – பிரபலங்கள் வருகை:

பிரபல வலைப்பதிவர்கள் இருவர் வெகுவிரைவில் தமிழ் காமிக்ஸ் வலையுலகிற்கு வருகை தரப் போகிறார்களாமே? விவரங்கள் விரைவில்.

• கிசுகிசு-6 – ஆயிரத்தில் ஒருவனும் தலை கேட்ட தங்கப் புதையலும்:

சமீபத்தில் வெளியாகியுள்ள ஆயிரத்தில் ஒருவன் திரைப்படத்தின் கதையும் தலை கேட்ட தங்கப் புதையல் கதையும் ஒன்றுதான் என்று ‘முடி’சூடிய அந்த மன்னர் பதிவர் போகிற பக்கமெல்லாம் பிட்டைப் போட்டு விட்டு செல்ல, அதை நம்பி தீவிரவாதி பதிவரும், ஒலகத்தையே ரசிக்கும் ஒரு காமிக்ஸ் பதிவரும் படத்திற்கு போனார்களாம்.

ஆனால் படம் பார்த்துவிட்டு அப்படியெல்லாம் ஒன்றும் இல்லை என்று அறிந்த பின்னர், அதே கடுப்பில் மொட்டைத் தலைக்கும் முழங்காலுக்கும் முடிச்சு போட்ட அந்த மக்காச்சோள மன்னர் பதிவரையும் அவரது வம்சத்தையும் அழிக்க நாசக்காரி ஆயுதங்களுடன் துரத்தி வருகிறார்களாம். இதையறிந்த அந்த மன்னர் பதிவர் சோழ இளவரசன் பதுங்கியிருக்கும் அதே தீவுக்கு தப்பியோட திட்டமிட்டுள்ளாராம்.

இந்த கிசுகிசுக்களில் வரும் ஆட்கள் யார் யார் என்பதை சரியாக பின்னுட்டங்களில் கூறும் நபருக்கு புஷ்பவதி பூங்காவனத்தின் டூ பீஸ் புகைப் படம் ஒரு பெர்சனல் மின் அஞ்சல் மூலம் வரும்.

கிசுகிசு கோபால்.
நெற்றிக்கண் திறப்பினும் குற்றம், குற்றமே.

-- சிறப்பான கிசுகிசுக்களுக்கு நன்றி கோபால்.

பூங்காவனம்,
எப்போதும் பத்தினி.

வேட்டைக்காரன் பட தாமத விவரமும் தீபாவளி ஸ்பெஷல் கிசு கிசு கார்னர்-5ம்

அன்பர்கள் அனைவருக்கும் வணக்கம்.

தமிழ் காமிக்ஸ் பிளாக் வரலாற்றில் முதன் முறையாக காமிக்ஸ் வாசகர்கள் அனைவருக்கும் தீபாவளி வாழ்த்து சொல்ல வந்து இருக்கும் சூப்பர் ஹீரோக்களை ஒரு முறை பார்த்து விடுங்கள். பதிவை படித்து முடித்த பின்னர் உங்களுக்கு இதனை படிக்கும் மனநிலை இல்லாமல் இருக்கலாம்.

நம்முடைய வலையுலக ரிபோர்ட்டர் கிசுகிசு கோபால் சமீப காலங்களில் தமிழ் காமிக்ஸ் வலையுலகில் நடந்து வரும் சுவையான தகவல்களை நம்முடைய வலைப் பூவில் பகிர்ந்து கொள்ள சம்மதித்து அவருடைய கைங்கர்யமான கிசு கிசு கார்னர்-1 , கிசு கிசு கார்னர்-2 , கிசு கிசு கார்னர்-3 மற்றும் கிசு கிசு கார்னர்-4 வாசகர்களிடையே பெற்ற வரவேற்பினால் இதோ அதன் அடுத்த கட்டம்: கிசு கிசு கார்னர்-5.

சமீபத்தில் திருமண பந்தத்தில் மூழ்கி இல்லற வாழ்வை இனிதே அனுபவித்து வரும் தென்னம்பாளயத்தார், இந்த தீபாவளியை தல தீபாவளியாக கொண்டாட இருப்பது தெரிந்த மருத்துவர் விஜய்'ன் தந்தையும் வருங்கால தமிழக கவர்னருமாகிய எஸ்.சந்திரசேகரா* (பின்னே, மருத்துவர் விஜய் வருங்கால முதல்வர் என்றால் அவரது தந்தை குறைந்த பட்சம் ஒரு தமிழக கவர்னர் ஆக கூட இருக்கக் கூடாதா என்ன? ) உடனடியாக தென்னம்பாளயத்தாரை தொடர்பு கொண்டு இந்த தீபாவளியை "இளைய தளபதி தீபாவளியாக" கொண்டாடும்படியாக கேட்டுக் கொண்டார்.

அதாவது, தல தீபாவளி என்றால் அது அல்டிமேட் ஸ்டார் அஜித் அவர்களை குறிக்கும். அதனால் அரசியல் கருத்துக்களை அஞ்சாமல் அள்ளி வீசும் தென்னம்பாளயத்தார் எங்கே தல தீபாவளி கொண்டாடி அல்டிமேட் ஸ்டார் அஜித்தின் புகழை பரப்பி விடுவாரோ என்று பயந்தே தல தீபாவளியாக கொண்டாடாமல் "இளைய தளபதி தீபாவளியாக" கொண்டாடும்படியாக கேட்டுக் கொண்டார்.

ஆனால், ஒபாமாவுக்கே உப்புமா கொடுக்க மறுத்த தென்னம்பாளயத்தார் மருத்துவர் சின்ன கொய்யா கேட்டுக் கொண்டதற்கு இணங்க பெரிய கொய்யா பேச்சுக்கா செவி சாய்ப்பார்? அதனால் அவர் வழக்கத்தை மாற்றாமல் இந்த தீபாவளியை தல தீபாவளியாக மட்டுமே கொண்டாடுகிறார். இதனால் மனம் நொந்த மருத்துவர் சின்ன கொய்யா விஜய் தன்னுடைய படமாகிய வேட்டைக்காரனை தீபாவளிக்கு ரிலீஸ் செய்யாமல் தள்ளிப் போட்டு விட்டார். இதற்க்கு ஆயிரம் காரணங்கள் சொன்னாலும் (குடும்ப உத்தரவு - ஆதவன் ரிலீஸ், பாடல் மறுபடியும் ஷூட்டிங்) உண்மையான காரணம் தென்னம்பாளயத்தார் தல தீபாவளி கொண்டாடுவதுதானாம்.

மருத்துவர் விஜய் ரசிகர்கள் மனம் மகிழ இதோ அசல் படத்தின் போட்டோவும், அசலான அசல் படத்தின் போட்டோவும். தல ரசிகர்கள் மன்னிக்கவும்.

இப்படியாக என்பது வருட தமிழ் சினிமா வரலாற்றில் தனி ஒரு மனிதரின் தல தீபாவளி ஒரு படத்தின் ரிலீஸ்'ஐயே தள்ளிப் போட்ட சம்பவம் முதன் முறையாம். அதனால், தமிழ் சினிமா வரலாற்றில் முதன் முறையாக நடந்த இந்த சம்பவத்தை உங்களுக்கு தீபாவளி ஸ்பெஷல் தகவலாக அளிப்பதில் பூங்காவனத்துக்கு பெருமை.

*வருங்கால தமிழக கவர்னருமாகிய எஸ்.சந்திரசேகரா* என்று இருப்பதை வருங்கால தமிழக கவர்னருமாகிய வருங்கால மருத்துவர் எஸ்.சந்திரசேகரா என்று வாசிக்கவும். ஏனென்றால், மருத்துவர் விஜய் அரசியலில் குதித்த உடனே அவரின் தந்தைக்கும் ஏதாவது ஒரு தனியார் பல்கலைக் கழகம் மருத்துவர் பட்டத்தை கொடுத்து தொலைப்பார்கள். அதனால் அவரை வருங்கால தமிழக கவர்னருமாகிய வருங்கால மருத்துவர் எஸ்.சந்திரசேகரா என்று கூறுவதில் தவறேதும் இல்லை தானே?

கிசு கிசு கார்னர் 4 - காணாமல் போன காமிக்ஸ் பதிவர்கள்!

அன்பர்கள் அனைவருக்கும் வணக்கம்.

நம்முடைய வலையுலக ரிபோர்ட்டர் கிசுகிசு கோபால் சமீப காலங்களில் தமிழ் காமிக்ஸ் வலையுலகில் நடந்து வரும் சுவையான தகவல்களை நம்முடைய வலைப் பூவில் பகிர்ந்து கொள்ள சம்மதித்து அவருடைய கைங்கர்யமான கிசு கிசு கார்னர்-1 , கிசு கிசு கார்னர்-2 , கிசு கிசு கார்னர்-3 வாசகர்களிடையே பெற்ற வரவேற்பினால் இதோ அதன் அடுத்த கட்டம்: கிசு கிசு கார்னர்-4.

சமீப காலமாக காமிக்ஸ் வலைப் பதிவர்கள் சிலர் காணாமல் போய் விட்டது குறித்து தமிழ் காமிக்ஸ் ஆர்வலர்கள் மனவருத்தமடைந்துள்ளனர். இதோ அவர்களது வருத்தம் போக்கும் வாலிப விருந்தாக சில பல சுவையான கிசுகிசுக்கள்.

1. தமிழ் காமிக்ஸ் வலையுலக பீஷ்ம பிதாமகர் ஆகிய அந்த ரேலிஃபேன் பதிவர் இன்றோடு இரும்புக்கை மாயாவி, லாரன்ஸ் & டேவிட், ஜானி நீரோ வாழும் உலகிலிருந்து வெற்றிகரமாக பணிகளை முடித்து விட்டு தனது ஊரான “இது எந்த ஊர்?” என்று கேட்க வைக்கும் ஊருக்கு திரும்புகிறார். அவரது பயணம் இனிதாக அமைய வாழ்த்துக்கள்.
2. தமிழ் காமிக்ஸ் வலையுலகின் “முடி”சூடா மன்னன் ஆக திகழும் அந்த பதிவர் சமீப காலமாக உலகெங்கிலும் உள்ள பல நகரங்களில் (பெங்களூரு, ஹைதராபாத் தொடங்கி இலண்டன், சிங்கப்பூர் வரை) காணப்பட்டதாக வதந்திகள் உலவினாலும் சமீபத்தில் தென் ஆப்பரிக்காவில் சாம்பியன்ஸ் கோப்பை போட்டியொன்றில் (இந்தியா-பாகிஸ்தான்) தொலைகாட்சியில் சில வினாடிகள் தோன்றியதாக நம்பத் தகுந்த வட்டாரங்கள் தெரிவிக்கின்றன.
3. அதே போல் அவருக்கு மிகவும் வேண்டப்பட்ட விரோதியான ஒரு பயங்கரவாதி பதிவரும் சமீபத்தில் திருச்சியில் தென்பட்டதாகவும் பட்சி கூறுகிறது. “பயங்கரவாதி பதிவர் ஜலஜாவுடன் ஜல்சா! திருச்சியில் 'திரு திரு துறு துறு' தியேட்டரில் கிளு கிளு குளு குளு!” என்கிற ரீதியில் திருச்சி நாளேடுகளில் தலைப்புச் செய்திகள் வெளியாவதாகவும் தகவல்.
4. போலீஸாரால் தீவிரமாகத் வேட்டையாடப்பட்டு வரும் அந்த காமிக்ஸ் டாக்டர் ஒருவேளை பிடிபட்டால் சிறையில் இருக்கும் போது “மோட்சத்திற்கு அப்பால்...மினி மோட்சம்” என்ற பெயரில் கிராபிக்ஸ் நாவல் ஒன்று எழுத திட்டமிட்டிருக்கிறாராம். இதற்கு அவருக்கு உந்துதலாக விளங்கியது இந்தப் பதிவுதானாம். அதைக் கூட தனது சொந்தப் பெயரில் எழுதாமல் தீவிரவாதி டாக்டர் செக்ஸ்...ச்சீ டாக்டர் சிக்ஸ் என்ற புனைப்பெயரில் தான் எழுதப் போகிறாராம். பதிப்பகத்தாருடன் பேச்சுவார்த்தைகள் இப்போதே தீவிரமாக நடைபெறுவதாக தகவல்.
5. தென்னம்பாளையத்தார் திருமண பந்தத்தில் மூழ்கி இல்லற வாழ்வை இனிதே அனுபவித்து வருகிறார். சமீபத்தில் அவர் வீட்டிற்கு ஸ்டெயின்லெஸ் ஸ்டீல் பூரிக்கட்டை வாங்கியுள்ளார். மரத்தால் செய்த பூரிக்கட்டைகள் சுலபத்தில் உடைந்து விடுவதாகத் த்கவல்.
6. அதே போல் இன்று காந்தி ஜெயந்தி (காந்தி நம் தேசத்தந்தை, ஆனால் ஜெயந்தி ஒரு சூப்பர் ஃபிகர்). எனவே தென்னம்பாளையத்தார் உடன் உரையடுபவர்கள் கவனமாக பேச்சுவாக்கில் காந்தி பற்றிய மூச்சு கூட விடாமல் அவரிடம் பேசுமாறு எச்சரிக்கப்படுகிறார்கள். சமூக நலன் கொண்டு இந்த கிசுகிசு வெளியிடப் படுகிறது.

இந்த கிசு கிசுக்களில் வரும் ஆட்கள் யார் யார் என்பதை சரியாக பின்னுட்டங்களில் கூறும் நபருக்கு புஷ்பவதி பூங்காவனத்தின் டூ பீஸ் புகைப் படம் ஒரு பெர்சனல் மின் அஞ்சல் மூலம் வரும்.

கிசுகிசு கோபால்.

நெற்றிக்கண் திறப்பினும் குற்றம், குற்றமே.

-- சிறப்பான கிசு கிசு'க்களுக்கு நன்றி கோபால்.

பூங்காவனம்,

எப்போதும் பத்தினி.

கிசு கிசு கார்னர் 3 - பிறந்த நாள் கொண்டாட்டங்களும் அதன் விளைவுகளும்

அன்பர்கள் அனைவருக்கும் வணக்கம்.

நம்முடைய வலையுலக ரிபோர்ட்டர் கிசுகிசு கோபால் சமீப காலங்களில் வலையுலகில் நடந்து வரும் சுவையான தகவல்களை நம்முடைய வலைப் பூவில் பகிர்ந்து கொள்ள சம்மதித்து அவருடைய கைங்கர்யமான கிசு கிசு கார்னர்-1 & கிசு கிசு கார்னர்-2 வாசகர்களிடையே பெற்ற வரவேர்ப்பினால் இதோ அதன் அடுத்த கட்டம்: கிசு கிசு கார்னர்-3.

(1) கனவுகளை காண்பதையே முழு நேரத் தொழிலாக்கி கொண்ட அந்த "இளமை துள்ளும்" பதிவருக்கு (யூத்'ஆமாம்) கடந்த பத்து நாட்களாக ஒரு இனம் புரியாத பீலிங்க்ஸ்'ஆம். என்ன என்று விசாரித்தால் அவருடைய கணினி ஏதோ குளறுபடியால் பணி புரியவில்லையாம். அதனால் நண்பர்களின் வலைப்பூக்களில் என்ன நடக்கிறது என்பது தெரியாமல் தவித்தாலும், புத்தகங்களை படிப்பதற்கும், படங்களை பார்ப்பதற்கும் அவருக்கு நிறைய நேரம் கிடைத்ததால் அவர் ஒரு வகையில் சந்தோஷப்பட்டாராம்.

ஆனால், கொடுமையிலும் கொடுமை என்பதைப் போல அவர் ஒரு உலக மகா மொக்கை படத்தை பார்த்து விட்டு "விமோசனம்" தேடி அலைந்ததாக கேள்வி. அனேகமாக அந்த மொக்கை படம் ஒரு முழு நீளப்பதிவாக வந்தாலும் ஆச்சர்யப் படுவதற்க்கில்லை.

டிஸ்கி: இந்திய நேரப்படி இன்று இரவு பத்து மணி நாற்பத்தி ஐந்து மணியளவில் அவருடைய கணினி இணைப்பு சரியாகும் என்று நேமியாலஜி நிபுணர் வாஸ்த்து ரத்னா பாண்டி மடம் பங்கஜம் சாஸ்திரி அவர்கள் கூறி உள்ளார்.

(2) வழக்கமாக வேட்டையாடிக் கொண்டே விளையாடும் அந்த பதிவர், இன்னமும் சிக்கி - முக்கி காலத்திலேயே இருக்கிறார். அவரிடம் ஒரு மடிக் கணினி இருந்தாலும் கூட அவரால் கடந்த சில வாரங்களாக வலைப்பூக்களை மேய முடியவில்லையாம். அதாவது, அவரைப் பொறுத்த அளவில் பிரவுசிங் என்றால் அது இன்டர்நெட் எக்ஸ்புளோரர் தானாம். குரோம், நெருப்பு நரி பற்றி எல்லாம் அவர் கேள்விப் பட்டதே இல்லையாம். தற்கால உலகில் கற்கால மனிதர்?

இது கூட பரவாயில்லை. கடந்த ஞாயிறு அன்று ஒலக காமிக்ஸ் ரசிகர் இந்த வேட்டைக்காரர் வசிக்கும் அந்த குக்கிராமத்துக்கு சென்றாராம். அவரை சந்திக்கலாம் என்று அவருடைய கைபேசியில் அழைத்தால் அவர் பேப்பர் வாங்க பெங்களூரு சென்றுக் கொண்டு இருப்பதாக தகவல் அளித்தாராம். இதற்க்கு தான் நகரத்தில் வசிக்க வேண்டும்: ஒரு நாள் பேப்பர் வர வில்லை என்றாலும் கூட நாமே அருகிலுள்ள கடைக்கு சென்று வாங்கிக் கொள்ளலாம். இப்படி சீருந்து மூலம் பெங்களூரு செல்ல வேண்டியது இல்லை.What a Pity, What a Pity?

டிஸ்கி: சரி, இப்போது தான் நமக்கு நேரம் இருக்கிறதே என்று வேட்டையாடிக் கொண்டே விளையாடும் அந்த பதிவர் ஏதாவது தமிழ் படம் போகலாம் என்று தியேட்டருக்கு போனாராம். ஏற்கனவே இவர் "சத்திய' சோதனையில் சிக்கியவர் என்பது குறிப்பிட தக்கது. அப்படை இருந்தும், வலிய சென்று "ரோதனை"யோடு மீண்டு வந்த இவரை என்னவென்று சொல்வது?

(3) கடந்த ஒரு வாரமாக தமிழ் நாட்டில் எந்த ஒரு கடையிலும் தின்பண்டங்களும் "இதர" பொருட்களும் கிடைக்கவில்லையாம். உலகமெங்கும் பரவி உள்ள ஒரு பயங்கரவாத இயக்கத்தின் தலைவரின் பிறந்த நாள் கொண்டாட்டம் தான் அதற்க்கு காரணமாம். அந்த தலைவரின் தொண்டர்கள் ஆகிய குண்டர்கள் ஊரெங்கும் தோரணம் கட்டி, ஒரு "தோரணை" ஆக இந்த பிறந்த நாளை கொண்டாடினார்களாம்.

பணப் புழக்கம் அதிக அளவில் இருந்ததால் ரிசர்வ் வங்கி கூட த்டுமாறியதாம். உள்ளூர் செலவாணி அதிகரித்ததே இதற்க்கு காரணமாம். இந்த போராட்டங்களில் ஒரு துக்க சம்பவமும் நடை பெற்றது.தனமானச் சிங்கம், புரட்சிப் புயல், தானைத் தலைவி "சைதை தமிழரசி" தாக்கப்பட்டார். அதனால் சில பல சூறையாடல்களும், வங்கிக் கொள்ளைகளும் இனிதே நடை பெற்றது.

டிஸ்கி: இந்த கொண்டாட்டங்களை கண்ட இயக்க சகோதரர்கள் தலைவருக்கு வாராவாரம் பிறந்த நாள் வரக் கூடாதா என்று அங்கலாய்க்கிறார்களாம்,

(4) தன்னுடைய பிறந்த நாளை விமரிசையாக கொண்டாடிய அந்த பயங்கரவாதிப் பதிவர், இன்னமும் தன்னிலைக்கு வர வில்லையாம். அவருடைய கைபேசி கடந்த இரண்டு மூன்று நாட்களாக சுவிட்ச் ஆப் செய்யப் பட்ட நிலையிலேயே உள்ளதாம். ஒரு வேலை, பிறந்த நாள் டிரீட் கேட்கும் ஒலக காமிக்ஸ் ரசிகரிடம் இருந்து தப்பிக்க அவர் செய்யும் உபாயமோ? ஏனென்றால் மற்றவர்கள் போன் செய்தால் இந்த பயங்கரவாதி பேசுகிறாராம். என்ன கொடுமை சார் இது?

டிஸ்கி: அந்த பயங்கரவாதி பதிவர் இன்றோ / நாளையோ ஒரு பதிவை இடப் போகிறார். யாரும் எதிர் பாராத ஒரு புதிய பதிவு அது.

(5) தமிழ் காமிக்ஸ் உலகின் முடி சூடிய மன்னர் தன்னுடைய ஐம்பதாவது பதிவை நாளை அன்று வலையேற்ற முடிவு செய்திருக்கிறாராம். இது அவருடைய ஸ்பெஷல் பதிவாம்.இந்த பதிவு முதல், அவருடைய வலைப் பூவில் பல மாற்றங்கள் செய்யவும் திட்டமிட்டு உள்ளாராம். ஏற்கனவே அவர் தன்னுடைய வலைப் பூவில் செய்த மாற்றங்களின் பிரதிபலிப்பை சில பல தளங்களில் காண முடிகிறது.

டிஸ்கி: வரலாறு காணாத ஒரு மாபெரும் காமிக்ஸ் வலைப் பதிவர் சந்திப்பு ஒன்று அடுத்த மாதம் நடை பெற உள்ளது. அனைத்து காமிக்ஸ் வலைப் பதிவர்களையும் ஒரு சேர ஒரே இடத்தில் கொணரும் முயற்சி இது. இதற்கான முயற்சியை ஏற்கனவே ஆரம்பித்து விட்டார்களாம்.

(6) தமிழ் காமிக்ஸ் உலகின் சிறந்த விசிறி ஆகிய அந்த பெருந்தலைவர் திங்கட் கிழமை அன்றுதான் நீண்ட ஓய்வுக்கு பிறகு ஊர் திரும்பினாராம். அந்த விமானத்தின் மூலம் தான் சமீபத்தில் திருமணம் நிச்சயம் ஆன டென்னிஸ் நட்சத்திரம் சானியா மிர்சா'வும் பிரயாணித்தாராம். இப்போது சானியா டென்னிஸ் விளையாடுவதும் பெருந்தலைவர் வசிக்கும் ஊரில் தானாம்.

டிஸ்கி: நீண்ட நாள் கழித்து சானியா ஒரு டென்னிஸ் போட்டியில் ஒற்றையர் ஆட்டத்தில் மூன்றாம் சுற்றுக்கு சென்று உள்ளார்.

இந்த கிசு கிசுக்களில் வரும் ஆட்கள் யார் யார் என்பதை சரியாக பின்னுட்டங்களில் கூறும் நபருக்கு புஷ்பவதி பூங்காவனத்தின் டூ பீஸ் புகைப் படம் ஒரு பெர்சனல் மின் அஞ்சல் மூலம் வரும்.

கிசுகிசு கோபால்.

நெற்றிக்கண் திறப்பினும் குற்றம், குற்றமே.

-- சிறப்பான கிசு கிசு'க்களுக்கு நன்றி கோபால்.

பூங்காவனம்,

எப்போதும் பத்தினி.

கிசுகிசு கார்னர்-2

அன்பர்கள் அனைவருக்கும் வணக்கம்.

நம்முடைய வலையுலக ரிபோர்ட்டர் கிசுகிசு கோபால் சமீப காலங்களில் வலையுலகில் நடந்து வரும் சுவையான தகவல்களை நம்முடைய வலைப் பூவில் பகிர்ந்து கொள்ள சம்மதித்து அவருடைய கைங்கர்யமான கிசு கிசு-1 வாசகர்களிடையே பெற்ற வரவேர்ப்பினால் இதோ அதன் அடுத்த கட்டம்: கிசு கிசு கார்னர்-2.

Note: The Image is to Make Sure that Readers Should Not Be Cruel To Animals. As Billions of Readers Watch this Photo and Hopefully PETA will take some action.

(1) கனவுகளுடன் முழுமையாக ஒப்பந்தம் செய்து கொண்டிருக்கும் அப்பதிவரிற்கு பொல்லாத படை ஆசிரியரிடமிருந்து இருந்து இரண்டு அன்புக் கட்டளைகள் இடப்பட்டுள்ளது.
*ஒன்று பட்டப் பெயர்கள் அளிப்பதை தவிர்ப்பது,
*இரண்டு குஜிலிகளின் போட்டோக்களில் அடக்கி வாசிப்பது.

குஜிலிகளின் போட்டோக்களை பதிவில் போட்டு கனவுகளில் அவர்களுடன் டூயட் பாடிக் கொண்டிருந்தவர் தற்போது குஜிலிகளிற்குப் பதில் சரோசா தேவி, சாவித்திரி என அவிழ்த்து விடலாமா என கணக்குப் போட்டுக் கொண்டிருக்கிறார். மேலும் இந் நாயகிகளின் படங்கள் கதாசிரியரின் இளமைக் காலத்தை (?!?) அவரிற்கு நினைவூட்டி மகிழ்விக்கும் என அவர் நம்புகிறாராம்.

(2) தன்னுடைய அலுவல்களில் மூழ்கி விட்ட ஊர்ப்பெயரை கொண்ட அந்த பதிவர் அடுத்த ஏழு நாட்களில் இடப் போகும் பதிவு எது மாதிரியும் இல்லாமல் புது மாதிரியாக இருக்கும் என்று கேள்விப்பட்ட பலர் கூறி வருகின்றனர். அய்யா, சென்னைக்கு சீக்கிரம் திரும்பி வாருமையா. உங்கள் பதிவுகளுக்கு காமிக்ஸ் ரசிகர்கள் காத்து இருக்கின்றனர்

(3) பிரபல மருத்துவரும் தமிழ் வலைப்பதிவருமான அந்த அஜித் ரசிகர் தன்னுடைய வலைப்பூவில் புதிதாக ஆரம்பித்துள்ள வேட்டைக்கார தொடரில் இடம் பெறுவதற்காக இரண்டு காமிக்ஸ் பதிவர்கள் "ஸ்பெஷலாக கவனித்ததாக" பேச்சு. பெரிய பெட்டி கூட கை மாறியதாம். பெட்டி கை மாறியவுடன் அந்த பிரபல மருத்துவரும் உடனே தொடரை ஆரம்பித்து விட்டாராம். காமிக்ஸ் பாஷையில் சொல்வதானால் "பணப் பெட்டி மறைந்த மாயம்". தேர்தல் பாஷையில் சொல்வதானால் "கை மாறிய பெட்டி".

(4) ஒரு தொடரில் முயலாக வந்தவரும் லக்கி லூக்கின் தீவிர காதலால் தன்னுடைய பெயருக்கு முன்னாள் அடை மொழியாக அவர் பெயரை உபயோகப்படுத்துபவருமாகிய அந்த புதிய பதிவர் அடுத்து ஒரு வித்தியாசமான பதிவை இட என்ணி உள்ளாராம். தன்னுடைய மானசீக குருவாகிய அந்த தூங்குமூஞ்சி பதிவரை போலவே இந்த பதிவும் ஆளை அசத்துமாம்.

(5) மேலே குறிப்பிட்ட அந்த பதிவர் தற்போது டவுன்லோட் லிங்க்'குகளை கொடுக்காமல் காமிக்ஸ் பதிவுகளை வழங்குவதால் அவருடைய சிஷ்யப் பிள்ளையான மற்றுமொரு காமிக்ஸ் லவ்வர் (அவர் பெயர் கூட ஏதோ சுரேந்தர், நரேந்தர் மாதிரி இருக்கும்) அந்தப் பொறுப்பை சிரமேர்க்கொண்டு திடீர் திடீர் என்று டவுன்லோட் லிங்க்'குகளை வழங்கி காமிக்ஸ் ரசிகர்களை மயக்குகிறார். அதிரடி தொடருமாம். அதனால் காமிக்ஸ் ரசிகர்கள் தற்போது பதிவுகளுடன் கமெண்ட்'களையும் ஆவலுடன் எதிர்நோக்கி இருக்கிறார்கள்.

(6) தமிழ் காமிக்ஸ் உலகின் முடி சூடிய மன்னர் தன்னுடைய ஐம்பதாவது பதிவை அடுத்த ஞாயிறு அன்று வலையேற்ற முடிவு செய்திருக்கிறாராம். இது அவருடைய ஸ்பெஷல் பதிவாம். அதற்காக தன்னுடைய வலைப்பூவில் சைட்பாரில் அப்டேட் வேறு செய்து வருகிறார்.

இந்த கிசு கிசுக்களில் வரும் ஆட்கள் யார் யார் என்பதை சரியாக பின்னுட்டங்களில் கூறும் நபருக்கு புஷ்பவதி பூங்காவனத்திடம் இருந்து ஒரு பெர்சனல் மின் அஞ்சல் வரும்.

கிசுகிசு கோபால்.
நெற்றிக்கண் திறப்பினும் குற்றம், குற்றமே.

--
சிறப்பான கிசு கிசு'க்களுக்கு நன்றி கோபால்.

பூங்காவனம்,
எப்போதும் பத்தினி